Fel rhan o brosiect Morol Doc Penfro a gefnogir gan Fargen Ddinesig Bae Abertawe, mae’r tîm ym Mhorthladd Aberdaugleddau, ar y cyd â’n partneriaid, wedi bod yn gweithio'n galed y tu ôl i furiau’r doc ers dechrau ar y gwaith cloddio fis Awst y llynedd, i ddatblygu porthladd parod o ran ynni i’r dyfodol yn Noc Penfro.
Gyda chyfleoedd fel gwynt arnofiol alltraeth (FLOW) ar y Môr Celtaidd a'r cais Porthladd Rhydd Celtaidd llwyddiannus, mae'r rhagolygon yn ddisglair a llewyrchus i genedlaethau’r presennol a’r dyfodol i sicrhau dyfodol carbon isel ym mhorthladd ynni mwyaf blaenllaw y DU.
Yn ogystal â rheoli'r gwaith prysur yn Gât 1 yn ddiogel, sy'n canolbwyntio'n bennaf ar gargo, prosiectau a lifftiau trwm, mae'r datblygiadau yn Gât 4 yn mynd rhagddo’n gyflym a byddant ar gael cyn bo hir.
Dyma gip o'r hyn sy'n cael ei ddatblygu ar hyn o bryd - byddwn yn rhannu mwy gyda chi yn y misoedd nesaf.
Cysylltwch â Sharon Adams os hoffech wneud ymholiad am unrhyw un o'r datblygiadau newydd a chyffrous isod ym Mhorthladd Penfro.
Cofiwch ddilyn #Quaywatch ar LinkedIn a Twitter i weld y gweithgareddau di-ri sy'n digwydd yma.
Swyddfeydd a gweithdai Rydyn ni bellach yn derbyn ymholiadau gan fusnesau yn y sectorau ynni adnewyddadwy a morol sy'n chwilio am safle newydd yn y swyddfeydd a'r gweithdai newydd sbon ger yr awyrendai Sunderland hanesyddol a fydd yn cael eu cwblhau'r hydref hwn. Mae'r swyddfeydd yn amrywio o 169 m2 i 760m2. Hefyd, mae gennym unedau diwydiannol hyblyg ar raddfa fawr i'w gosod gyda mynediad ar ochr y cei ar y safle, gan wneud Porthladd Penfro yn opsiwn pencadlys perffaith i ddatblygwyr a busnesau'r gadwyn gyflenwi.
Llithrfa newydd a lletach Bydd ein llithrfa newydd, lletach wedi'i chwblhau ac ar gael i'w defnyddio erbyn gwanwyn 2024, gan gynnig mwy o hyblygrwydd i ddatblygwyr a busnesau morol sydd eisiau profi dyfeisiau newydd, lansio ac adfer llongau, a neu fusnesau'r gadwyn gyflenwi sy'n darparu gwasanaethau cynnal a chadw a pheirianyddol i weithredwyr dyfeisiau ynni gwynt arnofiol alltraeth ar y Môr Celtaidd.
Pontŵn cychod gwaith Bydd y pontynau newydd ychydig i'r dwyrain o Derfynfa Llongau Doc Penfro yn cynnig opsiynau angori tymor byr a hir ar gyfer cychod gwaith, ysgraffau ac ysgraffau ‘jack up’, fydd wedi'u lleoli'n daclus rhwng Cei 1 a'r llithrfa newydd. Mae'r rhain eisoes yn boblogaidd a byddant ar gael i'w defnyddio o hydref 2023.
Gofod gosod Mae dyfeisiau adnewyddadwy a diwydiannau ategol i gyd angen gofod. Felly, rydyn ni wedi creu gofod gosod ychwanegol trwy lenwi'r pwll pren, ac wedi trawsnewid yn llwyr yr ardal i'r de o'n hôl troed i ddarparu gofod gosod awyr agored helaeth a hyblyg.
Mae Ardal Forol Doc Penfro yn cael ei ariannu gan Lywodraeth y DU a Llywodraeth Cymru drwy Fargen Ddinesig Bae Abertawe, a thrwy'r sectorau cyhoeddus a phreifat. Mae hefyd yn cael ei ariannu'n rhannol gan Gronfa Datblygu Rhanbarthol Ewrop drwy Lywodraeth Cymru.
Yn eiddo i Borthladd Aberdaugleddau ac yn cael ei weithredu ganddoCefnogi’r gymuned leolAgos at adnoddau ynni morol pwysigGofod gweithgynhyrchu a datblygu ar gyfer ynni adnewyddadwyDelfrydol ar gyfer profi a datblygu dyfeisiau ynni tonnau a llanwYn cyfrannu at economi CymruArbenigo mewn gwasanaethau cargo, eitemau trwm a llongauGofod adeiladu a storio ar gael ar y safleMewn lleoliad gwych ar arfordir gorllewinol y DUCyfleusterau rhagorol ar gyfer gweithgynhyrchu ar y safleWedi’i leoli yn Ardal Fenter Dyfrffordd y Ddau Gleddau
This site uses cookies
We use cookies to improve your experience on our website. Some of these cookies are essential while others help us improve our website and personalise your experience. You can allow all or manage them individually.